Fri,30 September 2022,3:01 pm
Print
header

રક્ષાબંધન પર પોલીસ કર્મચારીઓના ગ્રેડ પે અંગે ગૃહ રાજ્ય મંત્રી હર્ષ સંઘવીનું મહત્વનું નિવેદન- Gujaratpost

ઘણા સમયથી પોલીસ ગ્રેડ પેનો મુદ્દો ચર્ચામાં છે

આમ આદમી પાર્ટીએ ગુજરાત પોલીસને શ્રેષ્ઠ પગાર આપવાની કરી વાત

ગાંધીનગરઃ ગુજરાતમાં છેલ્લા ઘણા સમયથી પોલીસ ગ્રેડ પેનો મુદ્દો ચર્ચામાં છે. કર્મચારીઓની આ માંગ હજુ અધૂરી છે અને સોશિયલ મીડિયા પર વારંવાર આ મામલે ચર્ચાઓ કરાઇ રહી છે. ગૃહ રાજ્ય મંત્રી હર્ષ સંઘવીએ આજે પોલીસ ગ્રેડ પે અંગે મહત્વનું નિવેદન આપ્યું છે. કહ્યું કે આગામી દિવસોમાં પોલીસ ગ્રેડ પેનો સુખદ અંત આવશે. રાજ્ય સરકારે આ મુદ્દે સકારાત્મક કામગીરી કરી છે.

સુરતમાં આજે પોલીસ ગ્રે પેડ અંગે ગૃહ રાજ્ય મંત્રીએ કહ્યું, આ બાબતે સકારાત્મક કામગીરી કરી શકાય તે માટે ચિંતન કરવામાં આવ્યું છે. આ માટે મુખ્યમંત્રી દ્વારા અનેક બેઠકો કરવામાં આવી છે. આ વિષય પર અમે કોઈ રાજનીતિ કરવા માંગતા નથી. પરંતુ આ મુદ્દા પર ચિંતન કરીને યોગ્ય નિકાલ લાવશું. આગામી થોડા જ દિવસોમાં પોલીસ ગ્રે પેડ અંગે સુખદ અંત આવશે. આગામી દિવસોમાં સરકાર દ્વારા પોલીસ ગ્રે પેડ અંગે મહત્વની જાહેરાત કરવામા આવશે.

ગઈકાલે આપના સુપ્રીમો અરવિંદ કેજરીવાલ અમદાવાદમાં હતા. તેમણે ગેરંટી આપી છે કે જો આપની સરકાર બનશે તો 18 વર્ષથી મોટી ઉંમરની મહિલાઓને દર મહિને 1000 રુપિયા આપવામાં આવશે, આ સિવાય તેમણે કહ્યું જો ગુજરાતમાં આપની સરકાર બનશે તો દેશના તમામ રાજ્યોમાં  સૌથી સારો પગાર ગુજરાત પોલીસને આપવામાં આવશે.

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch