Mon,25 October 2021,6:21 am
Print
header

તમે પાટીદાર સમાજના છો અને મુખ્યમંત્રી બન્યાં છો તો રાજધર્મ નિભાવોઃ હાર્દિક

પાટીદાર યુવાનો પરના પોલીસ કેસ ક્યારે પાછા ખેંચાશે ?

ગાંધીનગરઃ મુખ્યમંત્રી ભૂપેન્દ્ર પટેલને પાટીદાર નેતા અને કૉંગ્રેસના કાર્યકારી અધ્યક્ષ હાર્દિક પટેલે એક પત્ર લખ્યો છે. ગુજરાતના નવનિયુક્ત મુખ્યમંત્રીને પાટીદાર સમાજવતી આ પત્ર કોંગ્રેસના કાર્યકારી અધ્યક્ષ હાર્દિક પટેલે લખ્યો છે. આ પત્ર દ્વારા આંદોલન સમયે પાટીદાર યુવકો પર થયેલા કેસ પાછા ખેંચવા માંગ કરવામાં આવી છે.

પાટીદાર અનામત આંદોલન વખતે પાટીદાર યુવાનો પર અનેક કેસ નોંધાયા હતા. પત્રમાં આનંદીબેન પટેલનો પણ ઉલ્લેખ કરીને કેસની તે સમયથી સ્થિતિ વર્ણવામાં આવી છે. આ સિવાય તેઓએ જણાવ્યું કે કરણીસેનાના આગેવાનો પર થયેલા કેસ પરત ખેંચાયા છે તો પાટીદાર યુવાનો સામેના કેસ કેમ પાછા નથી ખેંચાયા.

હાર્દિકે પત્રમાં લખ્યું કે આજે એક પાટીદાર સમાજના દીકરા તરીકે આપને માંગણી કરું છે કે અનામત આંદોલનમાં મારા સમેત અનેક નિર્દોષ પાટીદારો સામેના કેસ પરત ખેંચવાની કાર્યવાહી જેમ બને તેમ ઝડપથી કરીને રાજધર્મ નિભાવવામાં આવે. આંદોલનમાં રહેલા દરેક નેતાઓ પર ખોટા ખટલા ચાલી રહ્યાં છે. આંદોલન દરમિયાન 400થી વધુ ખોટા ગુનાઓ નોંધવામાં આવ્યાં છે. આ તમામ કેસ પરત ખેંચવાનું અગાઉની સરકારોએ વચન આપ્યું હતું. પરંતુ હજુ તે પૂરું થયું નથી.તમે આ અંગે જરૂરી અગ્રતા આપીને પાટીદારો ઉપરના ગુનાઓ દાખલ કરેલા છે, તે પરત ખેંચવામાં આવે તેવી સમાજ તરફથી નિર્દોષ ભાવે અપીલ કરું છું.

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પરો

https://www.gujaratpost.in/news/listing/Gu

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch