Sun,26 June 2022,4:35 pm
Print
header

ગુજરાતમાં યોજાઇ શકે છે G-20 સમિટ 2023- Gujarat Post

(demo photo)

અમદાવાદઃ ડિસેમ્બર 2022થી શરૂ થતા G-20 ગ્લોબલ ફોરમનું પ્રમુખપદ ભારત  સંભાળશે. ગુજરાત સરકાર રાજ્યમાં G-20 કાર્યક્રમનું આયોજન કરવાની તૈયારીઓ કરી રહી હોવાનો ટાઈમ્સ ઓફ ઈન્ડિયાનો રિપોર્ટ છે. ચાલુ મહિનાની શરૂઆતમાં જી 20 દ્વારા રાજ્ય સરકારના પ્રતિનિધિઓ સાથે પ્રાથમિક ચર્ચા થઇ હોવાનું જાણવા મળ્યું છે.

ગુજરાત સરકારના ટોચના અધિકારીઓ વિદેશ મંત્રાલયના અધિકારીઓને મળ્યાં હતા. ગુજરાતની ટીમે સરકારને 1 ડિસેમ્બર, 2022 થી 30 નવેમ્બર, 2023  દરમિયાન જી20નું આયોજન કેવી રીતે કરી શકાય તેની માહિતી આપી હતી. મીટિંગ બાદ ચીફ સેક્રેટરીએ રાજ્ય સરકારના વરિષ્ઠ અધિકારીઓને વિદેશ મંત્રાલય અને જી20 સેક્રેટરીએટ સાથે કોઓર્ડિનેશન કરવા સૂચના આપી હોવાનું જાણવા મળ્યું છે.

ગુજરાતને નેતાઓની કોન્ફરન્સ અથવા મંત્રી સ્તરની કોન્ફરન્સ જેવી મહત્વની જી-20 બેઠકોની યજમાની કરવાની તક મળી શકે છે. રાજ્ય સરકારે G-20 સંબંધિત તમામ ઇવેન્ટ્સ માટે વિદેશ મંત્રાલય સાથે સંકલન કરવા નોડલ એજન્સી તરીકે ઉદ્યોગ અને ખાણ વિભાગનું નામ સૂચવ્યું છે.

સૂત્રોના કહેવા મુજબ, વાયબ્રન્ટ ગુજરાત ગ્લોબલ સમિટના આયોજનનો બહોળો અનુભવ ધરાવતા અધિકારીઓને કોઓર્ડિનેટર, નોડલ ઓફિસર બનાવવામાં આવશે. આગામી દિવસોમાં MEA અને G-20 સચિવાલયના નિર્દેશોને આધારે અમે વધુ એક ટીમની નિમણૂંક કરીશું.જે G-20 ઇવેન્ટના આયોજનની લોજિસ્ટિક્સ સહિત તમામ પાસાઓ પર ધ્યાન આપશે.

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch