Sun,26 June 2022,5:02 pm
Print
header

IB રિપોર્ટ છે આવા, ચૂંટણી પહેલા ગુજરાત ભાજપે મહિલા મોરચામાં ફેરફારની જરૂર, કાર્યક્રમોમાં કાર્યકર્તાઓની હાજરી ઘટી ! Gujarat Post

ગાંધીનગરઃ છેલ્લા ઘણા સમયથી ભાજપ મહિલા મોરચો નિષ્ક્રીય દેખાઇ રહ્યો છે અનેક એવા કાર્યક્રમો છે કે મહિલા કાર્યકર્તાઓની ઓછી હાજરી હોય છે, ભાજપના જ એક મહિલા કાર્યકર્તાએ કહ્યું છે કે અમારા મહિલા મોરચામાં પણ મોટો જૂથવાદ છે અને સોશિયલ મીડિયા સિવાયના કાર્યક્રમોમાં મહિલા કાર્યકર્તાઓની ઓછી હાજરી તે વાતને સાબિત કરે છે, છેલ્લા ઘણા સમયથી મહિલા કાર્યકર્તાઓ નિષ્ક્રીય દેખાય છે, માત્ર ફેસબુક અને ટ્વીટર પર ફોટોનો પોસ્ટો જ થઇ રહી છે. તેથી આ વાતને ધ્યાનમાં રાખીને ભાજપે તાત્કાલિક તેનું નિરાકરણ લાવવું જોઇએ.

હાલમાં જ રાષ્ટ્રીય મહિલા મોરચાના અધ્યક્ષ વનાથી શ્રી નિવાસન ગુજરાત આવ્યાં ત્યારે એરપોર્ટ પર તેમના સ્વાગત માટે થોડા જ મહિલા કાર્યકર્તાઓ હાજર હતી. જેથી તેમને પણ આ વાત પોતાનું અપમાન લાગ્યું હશે, ભાજપના કોઇ પણ મોટા કદના નેતા ગુજરાત આવે છે ત્યારે તેમના સ્વાગતમાં મોટી સંખ્યામા કાર્યકર્તાઓ આવતા હોય છે પરંતુ અહીં માત્ર થોડા જ મહિલા કાર્યકર્તાઓ આવ્યાં હતા.

અગાઉ પીએમ મોદીના અને અમિત શાહના કાર્યક્રમોમાં પણ મહિલા કાર્યકર્તાઓની હાજરી અગાઉના કાર્યક્રમો કરતા ઓછી હતી, આ મામલે મહિલા મોરચાની નિષ્ક્રીયતાના આઇબી રિપોર્ટ પણ ઉપર સુધી પહોંચ્યાં છે. રાજ્યમાં એક તરફ આમ આદમી પાર્ટીમાં મહિલાઓ સક્રિય થઇ રહી છે અને બીજી તરફ ભાજપમાં કાર્યકર્તાઓ નિષ્ફળ થઇ રહ્યાં છે, જેને લઇને ભાજપની ચિંતા વધવાની છે તે નક્કિ છે.

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch