Thu,23 September 2021,11:33 am
Print
header

નવા મંત્રીમંડળમાં કોંગ્રેસના આયાતી નેતાઓ સહિત કોના કપાઈ શકે છે પત્તા ?

ગાંધીનગરઃ ગુજરાતના મુખ્યમંત્રી તરીકે વિજય રૂપાણીએ શનિવારે રાજીનામું આપ્યાં બાદ નવા મુખ્યમંત્રી કોણ બનશે તેના પર સૌની નજર છે. રાજ્યના નવા સીએમ આજે બપોર બાદ જાહેર થઈ શકે છે. નવા મુખ્યમંત્રી બન્યા બાદ મંત્રીમંડળનું પણ વિસ્તરણ થશે. જેમાં અનેક નેતાઓની બાદબાકી થઈ શકે છે.

સૌરાષ્ટ્રના જાણીતા અખબાર અકિલાના તંત્રી કિરીટ ગણાત્રાના કહેવા મુજબ, નવા મુખ્યમંત્રીના મંત્રીમંડળમાંથી કોંગ્રેસમાંથી આવેલા ત્રણ સીનિયર નેતાઓનું મંત્રીપદ છીનવાઈ શકે છે. ઉપરાંત કોંગ્રેસમાંથી આવેલા અન્ય ત્રણ નેતાઓને પણ મંત્રીમંડળમાં સ્થાન નહીં આપવામાં આવે. ભાજપના પણ કેટલાક મંત્રીના પત્તા કપાઈ શકે છે. અમે તમને જણાવી દઇએ કે અગાઉ જવાહર ચાવડા અને કુંવરજી બાવળિયા જેવા કોંગ્રેસમાંથી આવેલા નેતાઓને ભાજપે મંત્રી પદ આપી દીધું હતુ

આગામી વિધાનસભાની ચૂંટણીને ધ્યાનમાં રાખીને ભાજપના ધારાસભ્યોને મંત્રી પદ અપાશે. ખાસ કરીને જ્ઞાાતિવાદના સમીકરણોને ધ્યાનમાં રાખીને ધારાસભ્યોને મંત્રીમંડળમાં સમાવેશ કરવામાં આવશે. છેલ્લા કેટલાક વખતથી ભાજપે મંત્રીઓની કામગીરીની સમીક્ષા હાથ ધરી હોવાનું જાણવા મળ્યું છે.

જે મંત્રીઓની નબળી કામગીરી છે તેમના પત્તા કપાઇ શકે છે, મત વિસ્તારમાં સારી કામગીરી કરતા ધારાસભ્યોને મંત્રી તરીકે તક મળી શકે છે. પુરૂષોત્તમ સોલંકી, બચુભાઇ ખાબડ, યોગેશ પટેલ સહિતના કેટલાક મંત્રીઓને ઘેર બેસવું પડી શકે તેમ છે. કેટલાક મંત્રીઓને કેબિનેટ પ્રધાન તરીકે પ્રમોશન પણ અપાઇ શકે છે.

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પરો

https://www.gujaratpost.in/news/listing/Gu

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch