Sun,25 July 2021,6:27 pm
Print
header

કથિત જાસૂસીકાંડ મુદ્દે મુખ્યમંત્રી વિજય રૂપાણીએ આપ્યું મોટું નિવેદન

ગાંધીનગરઃ પેગાસસ મુદ્દે મુખ્યપ્રધાન વિજય રૂપાણીએ કોંગ્રેસને આડેહાથે લેતા કહ્યું કે, કોંગ્રેસ સત્તા વિના તરફડી રહી છે. સત્તા મેળવવા માટે કોંગ્રેસ કઈ હદ સુધી જઈ રહી છે તેનો આ દાખલો છે. લોકશાહીમાં વિપક્ષે જે ભૂમિકા ભજવવાની હોય છે તે કમનસીબે સત્તા વિમુખ થયા બાદ કોંગ્રેસ વિકાસની રાજનીતિનો વિરોધ કરી રહી છે. 45 દેશ પેગાસસનો ઉપયોગ કરે છે તેની વાત નથી કરતા. દેશહિત, જનહિત અને રાષ્ટ્રીય સુરક્ષાને બાજુએ મૂકીને ફરી સત્તા પર આવવા માટે કોંગ્રેસ વલખા મારી રહી છે. તેની મનની મુરાદ પૂરી થવાની નથી, ઘણા દાયકાઓ સુધી સત્તા ભોગવી છે. જેમ પાણી વિના માછલી તરફડે છે તેમ સત્તા વિના કોંગ્રેસ તરફડે છે. કોંગ્રેસે ખેડૂત આંદોલનમાં પણ ખેડૂતોને ગુમરાહ કર્યાં છે. ખેડૂતોના નામે અરાજકતા ઊભી થાય તેવા પ્રયાસો કોંગ્રસે કર્યા છે.

સર્જીકલ અને એર સ્ટ્રાઈક વખતે પણ નકારાત્મકતા દાખવી, નકસલ ગેંગ કે જેઓ સેનાને બદનામ કરે છે તેની સાથે જોડાઈને દેશને બદનામ કરે છે. રાષ્ટ્ર વિરોધીઓ સાથે જોડાતા કોંગ્રેસને શરમ આવતી નથી. ચારે તરફ વિકાસ થઈ રહ્યો છે એ કોંગ્રેસથી જોવાતુ નથી માટે રાજનીતિ કરી રહી છે. વડાપ્રધાન સંસદગૃહમાં નવ નિયુક્ત પ્રધાનોની ઓળખ કરવતા હોય ત્યારે સસંદીય પ્રણાલીને તોડીને કોગ્રેસે લોકશાહીને બટ્ટો લગાવ્યો છે. પ્રજા આ કોંગ્રેસને ઓળખી લે તેમ પણ મુખ્યપ્રધાને જણાવ્યું હતું. નોંધનિય છે કે 40 પત્રકારો અને નેતાઓ સહિત અનેક ભારતીયોની ઇઝરાયલના સોફ્ટવેર દ્વારા જાસૂસી થઇ હોવાના રિપોર્ટ બાદ મોદી સરકાર સામે વિપક્ષે આક્ષેપ કર્યાં છે.

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર

https://www.gujaratpost.in/news/listing/Gu

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch