Subscribe Now For Gujarat Post

Whatsapp
Sat,14 March 2026,1:33 am
Print
header

વિધાનસભામાં દુકાન અને સંસ્થા સુધારા બિલ સર્વાનુમતે પસાર, જાણો શું થશે અસર ?

  • Published By
  • 2026-02-17 17:56:25
    • /
  • નોકરીના કલાકો 9 થી વધારીને 10 કરવામાં આવ્યાં
  • મહિલાઓ પણ નાઈટ શિફ્ટ કરી શકશે

ગાંધીનગરઃ ગુજરાત વિધાનસભાના બજેટ સત્રના બીજા દિવસે દુકાન અને સંસ્થા સુધારા બિલ સર્વાનુમતે પસાર થયું હતું. શ્રમ અને રોજગાર મંત્રી કુંવરજીભાઈ બાવળીયા દ્વારા રજૂ કરવામાં આવેલું આ બિલ રાજ્યમાં વેપાર-ઉદ્યોગને વેગ આપવા અને શ્રમિકોની સ્થિતિમાં સુધારો કરવાના હેતુથી લાવવામાં આવ્યું હતું. જો કે, બિલની ચર્ચા દરમિયાન આમ આદમી પાર્ટીના ધારાસભ્યોએ ગૃહની કાર્યવાહીના લાઈવ પ્રસારણની માગ સાથે ભારે હંગામો અને વિરોધ પ્રદર્શન કર્યું હતું.

આ સુધારા વિધેયક દ્વારા 'ઇઝ ઓફ ડુઇંગ બિઝનેસ'ને પ્રોત્સાહન આપવા માટે મહત્વના ફેરફારો કરવામાં આવ્યાં છે. જે મુજબ કામના કલાકોમાં વધારો કરવામાં આવ્યો છે. દૈનિક કામના કલાકોની મર્યાદા 9 કલાકથી વધારીને 10 કલાક કરવામાં આવી છે. હવે કર્મચારી સળંગ 6 કલાક સુધી કામ કરી શકશે (અગાઉ આ મર્યાદા 5 કલાકની હતી). ઉપરાંત ત્રણ મહિનામાં ઓવરટાઇમની મર્યાદા 125 કલાકથી વધારીને 144 કલાક કરવામાં આવી છે.

પૂરતી સુરક્ષા અને સલામતીની જોગવાઈઓ સાથે હવે મહિલાઓ પણ નાઇટ શિફ્ટ કરી શકશે, જેનાથી રોજગારીની તકો વધશે. આ નવા નિયમો 20થી વધુ કર્મચારીઓ કામ કરતા હોય ત્યાં લાગુ થશે. 

મંત્રી બાવળીયાએ કહ્યું કે, આજના આધુનિક સમયમાં દેશના આર્થિક વિકાસમાં મહિલાઓનું યોગદાન વધી રહ્યું છે. મહિલા શ્રમયોગીની સંમતિ હોય અને સંસ્થા દ્વારા મહિલાઓને આરામ માટેના રૂમ, રાત્રિ ઘોડીયાઘર, મહિલા માટેના શૌચાલય, તેમના ગૌરવ, સન્માન અને સલામતીના યોગ્ય રક્ષણ, જાતીય સતામણીથી રક્ષણ તેમજ સંસ્થાથી તેમના નિવાસ સ્થાન સુધી તેમને લાવવા-લઇ જવાની વ્યવસ્થા માલિક દ્વારા પૂરી પાડવામાં આવતી હોય એવી દુકાન અથવા સંસ્થામાં મહિલા શ્રમયોગીને રાત્રિના 9 કલાકથી સવારના 6 કલાક વચ્ચેના સમયમાં કામ કરવાની મંજૂરી આપી શકાશે. આમ, કામના સ્થળ પર મહિલાઓની ગરિમા, સુરક્ષા અને સલામતી જળવાઇ રહે તેની સંપૂર્ણ તકેદારી રાખવાની જોગવાઇ રાજ્ય સરકારે આ કાયદામાં કરી છે

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Advertisement

Watch

Quick Link

Copyright © 2026 Gujarat Post News.