Wed,10 August 2022,8:36 am
Print
header

ACB ની મોટી ટ્રેપ, સુરતમાં પોલીસકર્મી 1 લાખ 30 હજાર રૂપિયાની લાંચમાં ઝડપાયો- gujaratpost

સુરતઃ એસીબીએ સુરતમાં ઓપરેશન પાર પાડીને 1.30 લાખ રૂપિયાની લાંચનો પર્દાફાશ કર્યો છે, જયદિપસિંહ હસમુખસિંહ રાજપૂત, PSI. વર્ગ-3, પુણા પો.સ્ટે. સુરત શહેર અને ખાનગી વ્યક્તિ જીયાઉદ્દીન અબુલરહીમ સૈયદ ઉર્ફે જીવાને 1 લાખ 30 હજાર રૂપિયાની લાંચ લેતા ઝડપી લીધા છે. આરોપીએ સુરત શહેરના પુણા પોલીસ સ્ટેશનની સામે, જાહેર રોડ પર લાંચ લીધી હતી.

ફરીયાદી ટ્રાન્સપોર્ટ અને ટ્રાવેલ્સનો ઘંધો કરે છે. પુણા પોલીસ સ્ટેશનમાં લક્ઝરી બસમાં દારૂ મળી આવતા કેસ દાખલ થયો હતો, જેમાં પોલીસકર્મીએ ફરીયાદીને પોલીસ સ્ટેશન બોલાવીને દારુના કેસમાં તેનું નામ આવે છે તેમ કહીને ધમકાવ્યો હતો, બાદમાં જયદિપસિંહે ફરિયાદીના ટ્રાવેલ્સ માલિકનું નામ દાખલ ન કરવા ફરીયાદી પાસે 5 લાખ રૂપિયા માંગ્યા હતા, બાદમાં 3 લાખ રૂપિયામાં બધુ નક્કિ કરાયું હતુ.

1 લાખ 70 હજાર રૂપિયા એક દિવસ પહેલા જ લાંચિયા પોલીસકર્મીએ તેના વહીવટદાર મારફતે પડાવી લીધા હતા, 1 લાખ 30 હજાર રૂપિયા લેવા આવતા જ એસીબીએ ખાનગી વ્યક્તિને ઝડપી લીધો હતો, જે પોલીસકર્મી માટે કામ કરતો હતો. ટ્રેપીગ અધિકારી એસ.એચ.ચૌધરી, પો.ઇન્સ. તાપી એસીબી પો.સ્ટેશન, સુપરવિઝન અધિકારી એન.પી.ગોહિલ, મદદનીશ નિયામક, એસીબી સુરત એકમ અને તેમની ટીમે આ ઓપરેશન પાર પાડ્યું છે.

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch