Mon,25 October 2021,5:30 am
Print
header

મરાઠી અભિનેત્રી ઈશ્વરી દેશપાંડેનું ગોવામાં કાર અકસ્માતમાં મોત થઇ ગયું

ગોવાઃ મરાઠી ફિલ્મ ઈન્ડસ્ટ્રીથી એક દુખદ સમાચાર સામે આવ્યા છે. મરાઠી અભિનેત્રી ઈશ્વરી દેશપાંડેનું ગોવામાં કાર અકસ્માતમાં મૃત્યુ થયું છે. આ અકસ્માત સવારે ગોવાના બરદેજ તાલુકા પાસે અરપોરા વિસ્તારમાં થયો છે. ઈશ્વરી દેશપાંડેની સાથે કારમાં તેના મિત્ર શુભમ દેડગે પણ હાજર હતા. ઘટના સ્થળ પર જ તેમણે જીવ ગુમાવી દીધો હતો. રિપોર્ટ અનુસાર, ઈશ્વરી દેશપાંડેની કાર બાગા ક્રીકના ઊંડા પાણીમાં ડૂબી ગઈ હતી.

પોલીસને પાણીમાં ડૂબેલી કારમાંથી બે  મૃતદેહ મળી આવ્યાં છે. પ્રાથમિક જાણકારી અનુસાર જે કારથી ઈશ્વરી પાંડે અને શુભમ જઈ રહ્યાં હતા તેની સ્પીડ ઘણી વધારે હતી. જો કે હજુ સુધી જાણવા નથી મળ્યું કે કાર કોણ ચલાવી રહ્યુ હતું. ઈશ્વરી દેશપાંડે અને શુભમ આવતા મહિને સગાઈ કરવાના હતા. તેઓ બાળપણના મિત્રો છે.

ઈશ્વરી દેશપાંડેની ઉંમર 25 વર્ષ હતી. તે ટૂંક સમયમાં સુનિલ ચૌથમલ સાથે ફિલ્મ પ્રેમાચે સાઈડ ઈફેક્ટમાં રોલ કરવાની હતી. અભિનેતા અભિનય બેરડેએ પોતાના ઈન્સ્ટાગ્રામ એકાઉન્ટ પર ઈશ્વરીના મૃત્યુ અંગે શોક વ્યક્ત કર્યો છે.

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પરો

https://www.gujaratpost.in/news/listing/Gu

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch