Sun,27 November 2022,3:49 am
Print
header

ગૃહ વિભાગમાં નોકરી કરતા પ્યુનની હત્યારાનો ઉકેલાયો ભેદ, પ્રેમ પ્રકરણમાં થઇ હત્યા- gujarat post

એક આરોપીએ હેલ્મેટ અને બીજાએ બુકાની બાંધી હતી

પોલીસે ટેકનિકલ સર્વેલન્સને આધારે તપાસ કરી 

ગાંધીનગરઃ પાટનગરમાં એક શખ્સની પોઈન્ટ બ્લેંક રેંજથી ગોળી મારીને હત્યા કરી દેતા ચકચાર મચી ગઈ હતી. સચિવાલયમા પ્યુન તરીકે કામ કરતા વ્યક્તિની હત્યા કરી દેવામાં આવી હતી.જેને લઈને ગાંધીનગર પોલીસે તપાસનો દોર શરૂ કર્યો હતો.

યુવકની હત્યા પ્રેમ પ્રકરણમાં થઈ હોવાનું સામે આવ્યું છે.પોલીસે આરોપીઓની ધરપકડ કરી લીધી છે. ઘટના બાદ પોલીસે સીસીટીવી ફૂટેજ ચેક કર્યાં હતા. જેમાં બે લોકો બાઈક પર જઈ રહ્યાં હતા.એક આરોપી બુકાનીધારી જ્યારે બીજો આરોપી હેલ્મેટ પહેરીને પાછળ સવાર હતો. પોલીસે ટેક્નિકલ સર્વેલન્સને આધારે આરોપીને ઝડપી લીધા છે.

ગોઝારિયાના કિરીટ પટેલને મૃતકના પત્ની સાથે પ્રેમ સંબંધ હતો, જેથી તેને જીતેન્દ્ર સાથે મળીને આ હત્યા કરી હતી, તેઓએ થોડા દિવસથી કિરણની રેકી કરી હતી અને કિરણની પત્નીને પામવા આ હત્યાને અંજામ આપ્યો હતો.

 

બીજ નિગમની કચેરી પાસે કિરણની ગોળી મારીને હત્યા કરી દેવામાં આવી હતી. પોલીસ તપાસમાં મૃતક યુવક કિરણ મકવાણા ઈદ્રોડાનો રહેવાસી હોવાનું સામે આવ્યું હતું. પોલીસે ઘટના સ્થળેથી પીસ્તોલ તથા કાર્ટરીજ કબ્જે કરી હતી. હાલમાં ઝડપાયેલા શખ્સોની પૂછપરછ થઇ રહી છે.

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch