Fri,30 September 2022,3:23 pm
Print
header

Big News- પૂર્વ ગૃહમંત્રી અને દૂધસાગર ડેરીના પૂર્વ ચેરમેન વિપુલ ચૌધરીની ધરપકડ, CA ને પણ લીધો સાણસામાં- Gujarat Post

દૂધ સાગર ડેરીના 320 કરોડના કૌભાંડમાં કાર્યવાહી 

(file photo)

ગાંધીનગરઃ ચૂંટણી પહેલા સક્રિય થયેલા ગુજરાતના પૂર્વ ગૃહમંત્રી અને મહેસાણા દૂધસાગર ડેરીના પૂર્વ ચેરમેન વિપુલ ચૌધરીની ધરપકડ કરવામાં આવી છે. રૂપિયા 320 કરોડના બોગસ વ્યવહારો મુદ્દે તેમના સીએની પણ ક્રાઇમ બ્રાન્ચ દ્વારા ધરપકડ કરાઈ છે. વિપુલ ચૌધરીની ધરપકડના સીસીટીવી ફૂટેજ પણ વિવિધ ચેનલમાં ફરતાં થયા છે. તપાસ દરમિયાન વિપુલ ચૌધરીના પુત્રની આ મામલે સંડોવણી ખુલે તેવી શક્યતા છે.

વિપુલ ચૌધરીની ધરપકડને પગલે મહેસાણામાં રાજકારણ ગરમાયુ છે. ડેરીના નાણાંકીય ગોટાળામાં વિપુલ ચૌધરીની ધરપકડ થતા રાજકીય સમીકરણો બદલાશે, અર્બુદા સેના બનાવીને વિપુલ ચૌધરી સંગઠન મજબૂત કરવાનો પ્રયાસ કરી રહ્યાં હતા. ત્યારે હવે વિપુલ ચૌધરીની ધરપકડને પગલે અર્બુદા સેના સંગઠનની શું ભૂમિકા રહેશે તે જોવાનું રહ્યું. અગાઉ પણ વિપુલ ચૌધરીને જેલ હવાલે કરાયા હતા.વિધાનસભાની ચૂંટણી પહેલા ચૌધરીની વધુ એક વખત ધરપકડ કરાઈ છે. જેથી, ઉત્તર ગુજરાતના રાજકારણમાં કેટલો ફેર પડશે તે હવે આવનારો સમય જ બતાવશે.

નોંધનિય છે કે વિપુલ ચૌધરી છેલ્લા ઘણા સમયથી ભાજપ વિરુદ્ધ કામો કરી રહ્યાં હતા, જેને લઇને પણ તેઓ સરકારની નજરમાં હતા અને હવે કૌભાંડને લઇને તેમની ધરપકડ કરાઇ છે.

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch