અમદાવાદઃ ED અમદાવાદ ઝોનલ ઓફિસે પ્રિવેન્શન ઓફ મની લોન્ડરિંગ એક્ટ (PMLA), 2002 હેઠળ ઈલેક્ટ્રોથર્મ ઈન્ડિયા લિમિટેડના કેસમાં રૂ. 43.65 કરોડની કિંમતની જંગમ મિલકતો કામચલાઉ રીતે ટાંચમાં લીધી છે. 25 સપ્ટેમ્બરના રોજ કરાયેલી આ જપ્તીમાં યસ બેંકમાં રહેલા ઈલેક્ટ્રોથર્મ ઈન્ડિયા લિમિટેડના બે બેંક ખાતામાંથી રૂ. 25.08 કરોડ તેમજ પ્રમોટર્સ દ્વારા ધારણ કરાયેલા કંપનીના રૂ. 18.57 કરોડની કિંમતના 13,57,775 શેર્સનો સમાવેશ થાય છે.
ED ની આ તપાસ સીબીઆઈની બેંક સિક્યોરિટીઝ એન્ડ ફ્રોડ બ્રાન્ચ (BS&FB), મુંબઈ દ્વારા ઈલેક્ટ્રોથર્મ ઈન્ડિયા લિમિટેડ અને તેના ડિરેક્ટરો સામે ભારતીય દંડ સંહિતા, 1860 અને ભ્રષ્ટાચાર નિવારણ અધિનિયમ, 1988 ની વિવિધ કલમો હેઠળ નોંધાયેલી FIRના આધારે શરૂ કરવામાં આવી હતી. આ ગુનો બેંક ઓફ ઈન્ડિયાની ફરિયાદ બાદ દાખલ કરવામાં આવ્યો હતો.
તપાસ અનુસાર, આરોપીઓએ વર્ષ 2007 થી 2013 વચ્ચે બેંકમાંથી મેળવેલી ક્રેડિટ સુવિધાઓના ભંડોળની ઉચાપત કરી અને અન્યત્ર વાળી દીધું હોવાનો આક્ષેપ છે. ઈલેક્ટ્રોથર્મ ઈન્ડિયા લિમિટેડનું કુલ બાકી લેણું રૂ. 631.97 કરોડ હતું, જ્યારે ખાતું પાછળથી એડલવાઈસ એસેટ રિકન્સ્ટ્રક્શન કંપની (ARC) ને રૂ. 550 કરોડમાં સોંપવામાં આવ્યું હતું, જેના કારણે બેંકને રૂ. 81.97 કરોડનું નુકસાન થયું હતું.
ED એ જણાવ્યું કે તેની તપાસમાં જાણવા મળ્યું છે કે બેંક ઓફ ઈન્ડિયા દ્વારા ઈલેક્ટ્રોથર્મ ઈન્ડિયા લિમિટેડને વિસ્તરણ માટે આપવામાં આવેલી લોનની રકમ મંજૂર કરાયેલા હેતુની વિરુદ્ધ જઈને લોન મળ્યાના બાદ હાલની અન્ય જવાબદારીઓ ચૂકવવા માટે વાળી દેવામાં આવી હતી.
એજન્સીએ વધુમાં શોધી કાઢ્યું કે ઈલેક્ટ્રોથર્મ ઈન્ડિયા લિમિટેડએ વિવિધ સંસ્થાઓને નાણાં ટ્રાન્સફર કર્યા હતા, જેમના બેંક ખાતામાંથી રકમ મળ્યાંના ટૂંક સમયમાં જ રાઉન્ડ-સમ (ગોળ આંકડામાં) રોકડ રકમ ઉપાડી લેવામાં આવી હતી. કેટલાક કિસ્સાઓમાં, નાણાં ઉપાડતા પહેલા અન્ય સંસ્થાઓ દ્વારા રૂટ કરવામાં આવ્યાં હતા. તપાસમાં સામે આવ્યું છે કે વર્ષ 2007 થી 2013 દરમિયાન ઈલેક્ટ્રોથર્મ ઈન્ડિયા લિમિટેડના બેંક ખાતાઓમાંથી કરોડો રૂપિયા રોકડા ઉપાડવામાં આવ્યાં હતા.
ED, Ahmedabad Zonal Office has provisionally attached movable properties worth Rs. 43.65 Crore under the PMLA, 2002, against M/s Electrotherm (India) Ltd. (EIL), comprising Rs. 25.08 Crore in two Yes Bank accounts and 13,57,775 promoter shares valued at Rs. 18.57 Crore in a… pic.twitter.com/2nFKCiN4xB
— ED (@dir_ed) October 1, 2026
અગાઉ, ED દ્વારા જાન્યુઆરી 2025 માં PMLA હેઠળ ઈલેક્ટ્રોથર્મ ઈન્ડિયા લિમિટેડ, તેના ડિરેક્ટરો અને પ્રમોટર્સના પરિષરમાં દરોડા પાડવામાં આવ્યાં હતા. આ દરોડા દરમિયાન રૂ. 38.32 કરોડની સંપત્તિ ફ્રીઝ કરવામાં આવી હતી, જેને બાદમાં PMLA હેઠળની એડજ્યુડિકેટિંગ ઓથોરિટી દ્વારા પુષ્ટિ આપવામાં આવી હતી.
તાજેતરની આ જપ્તી સાથે, કેસમાં અત્યાર સુધી જપ્ત, ફ્રીઝ કે ટાંચમાં લેવાયેલી સંપત્તિનું કુલ મૂલ્ય રૂ. 81.97 કરોડ પર પહોંચી ગયું છે.
ACB ટ્રેપઃ ઉનામાં પથ્થરોથી ભરેલું ટ્રેક્ટર નહીં રોકવા અને હેરાનગતિ નહીં કરવા રૂપિયા 2000 ની લાંચ લેતા વચેટિયો ઝડપાયો, હેડ કોન્સ્ટેબલ ફરાર | 2026-10-16 21:28:59
કનોટ પ્લેસમાં પ્રદર્શન પહેલાં જ અભિજીત દીપકેની અટકાયત, નેહા બોરાને પણ કસ્ટડીમાં લેવાયા | 2026-10-16 18:55:47
આપના ધારાસભ્ય ચૈતર વસાવાને હાઇકોર્ટે એક દિવસના હંગામી જામીન આપ્યાં, નાના ભાઈએ ઝેરી દવા પી લેતા હોસ્પિટલમાં દાખલ કરાયા છે | 2026-10-16 18:25:12
અમરેલીઃ જાફરાબાદમાં 4 સગીરાઓ સાથે યૌન શોષણનો સનસનીખેજ બનાવ, નરાધમ શિક્ષક ઝડપાયો | 2026-10-16 09:49:21
દિલ્હીમાં CJP ની લહેરાદો તિરંગાના એલાનથી કનોટ પ્લેસ છાવણીમાં ફેરવાયું, દિપકેની સાંજે અટકાયત કરાઇ | 2026-10-16 09:40:17
સિલ્વર ઓક યુનિવર્સિટીમાં My Equation રોબોટિક્સ સેન્ટર ઑફ એક્સેલન્સની સ્થાપના | 2026-10-16 18:52:47
નવરાત્રિના અંતિમ દિવસે મેઘરાજા બગાડી શકે છે તમારી મજા, માવઠાની આ છે આગાહી | 2026-10-14 18:11:49
અમદાવાદ એરપોર્ટ પર જપ્ત કરાયેલા સોનાના બિસ્કિટના તાર હવાલા સાથે જોડાયેલા હોવાની શંકા ? | 2026-10-11 10:11:39
આ વર્ષે અમદાવાદની ગરબા ઈકોનોમી રૂ. 3,000 કરોડ ને પાર પહોંચવાનો અંદાજ | 2026-10-11 10:01:59
હાર્દિક પટેલ એન્ડ કંપની ડાઉટ ફૂલ, શંકરસિંહ વાઘેલાએ એક ઇન્ટરવ્યૂંમાં કર્યાં પ્રહાર | 2026-10-08 17:07:14
ગુજરાત હાઇકોર્ટના ચીફ જસ્ટિસ સુનિતા અગ્રવાલની સુપ્રીમ કોર્ટના જજ તરીકે નિયુક્તિ | 2026-10-05 18:15:44
Copyright © 2026 Gujarat Post News.
Whatsapp
