Subscribe Now For Gujarat Post

Whatsapp
Sat,15 August 2026,12:19 pm
Print
header

કોંગ્રેસનો રોડમેપ ગુજરાતમાંથી નક્કી થશે, પાર્ટીમાં મોટા ફેરફારો થઈ શકે છે, નેતાઓને આ કાર્ય મળ્યું

  • Published By
  • 2025-04-16 08:55:09
    • /

અમદાવાદઃ ગુજરાતમાં કોંગ્રેસનું રાષ્ટ્રીય અધિવેશન પૂર્ણ થયા બાદ હવે રાહુલ ગાંધીએ સંગઠનમાં ફેરફારને લઇને કાર્યવાહી શરૂ કરી દીધી છે. મંગળવારે પાર્ટીના નેતાઓ સાથે ગુજરાત વિધાનસભાની આગામી ચૂંટણી માટેની રણનીતિ પર ચર્ચા કરી હતી. ભવિષ્યમાં દેશમાં કોંગ્રેસની નીતિ શું હશે તે અંગે ચર્ચા થઈ હતી.

સંકેતો સ્પષ્ટ છે કે કોંગ્રેસનો ભાવિ રોડમેપ ગુજરાતમાંથી જ નક્કી થશે. પાર્ટીમાં મોટા ફેરફારોની ચર્ચા થઈ રહી છે, જિલ્લા નિરીક્ષકોની નિમણૂંકમાં સામેલ નેતાઓને જોયા પછી બેવડી ભૂમિકા ભજવતા નેતાઓને બહારનો રસ્તો બતાવવામાં આવે તેવી શક્યતા ઓછી છે. નિરીક્ષકો સાથેની બેઠકમાં તેમણે દરેકની ભૂમિકા અને જવાબદારી નક્કી કરવા વિશે વાત કરી હતી.

રાહુલ ગાંધી 37 દિવસમાં ત્રણ વાર ગુજરાતની મુલાકાતે આવ્યાં

છેલ્લા 37 દિવસમાં રાહુલ ગાંધીની આ ત્રીજી ગુજરાત મુલાકાત છે. તેઓ મંગળવારથી ગુુજરાતની બે દિવસની મુલાકાતે છે. પ્રથમ દિવસે, દેશ અને રાજ્યના 200 થી વધુ નિરીક્ષકો અને ગુજરાતના જિલ્લા પ્રમુખો સાથે ચર્ચા કર્યા પછી, પક્ષની નીતિઓ અને પ્રક્રિયાઓ પર ચર્ચા કરવામાં આવી હતી. બુધવારે, તેઓ ઉત્તર ગુજરાતના મોડાસામાં સંગઠન નિર્માણ અભિયાનનો પ્રારંભ કરાવશે. ભવિષ્યની જવાબદારીઓ માટે પક્ષના પદાધિકારીઓને તૈયાર કરવાની સાથે, વ્યાવસાયિકોને પક્ષ સાથે જોડવા પર ભાર મૂકવામાં આવશે.

રાષ્ટ્રીય અધિવેશન પછી કોંગ્રેસનો એજન્ડા સ્પષ્ટ છે

રાષ્ટ્રીય અધિવેશન પછી કોંગ્રેસનો એજન્ડા ઘણી હદ સુધી સ્પષ્ટ થઈ ગયો છે. ભાજપ અને રાષ્ટ્રીય સ્વયંસેવક સંઘનો ખુલ્લેઆમ વિરોધ કરવાની સાથે, દલિતો, મુસ્લિમો અને આદિવાસીઓને આકર્ષવાની રણનીતિ સાથે કામ કરી રહ્યાં છે. કોંગ્રેસ પરંપરાગત વોટબેંકને આકર્ષીને પોતાનો ખોવાયેલો ટેકો પાછો મેળવવાનો પ્રયાસ કરશે. ગુજરાત પ્રદેશ પ્રમુખ શક્તિસિંહ ગોહિલે જણાવ્યું કે રાજ્યમાં પક્ષને મજબૂત બનાવવા માટે દેશભરમાંથી પૂર્વ મંત્રીઓ, સાંસદો, પૂર્વ રાજ્ય પ્રભારીઓ સહિત 50 નેતાઓને વિવિધ જિલ્લાઓની જવાબદારી સોંપવામાં આવી છે.

જિલ્લા પ્રમુખોની નિમણૂંકમાં કોઈની ભલામણ કામ નહીં કરે: રાહુલ

કોંગ્રેસના નેતા જિલ્લા પ્રમુખોની નિમણૂંકમાં કોઈની ભલામણ ધ્યાનમાં લેવામાં આવશે નહીં. તેમણે કોંગ્રેસ સંકલન સમિતિની બેઠકથી મોસમી નેતાઓને દૂર રાખવા કહ્યું. જે નેતાઓ ફક્ત ચૂંટણી દરમિયાન જ સક્રિય રહે છે તેમને ટિકિટ નહીં મળે. જો સરકાર બનશે તો જે જિલ્લા પ્રમુખ વધુ સારું કામ કરશે તેને મંત્રી બનાવવામાં આવશે. 23 એપ્રિલથી 8 મે સુધી, નિરીક્ષકો જિલ્લાઓની મુલાકાત લેશે અને જિલ્લા પ્રમુખ માટે 6-6 નામોની પેનલ તૈયાર કરશે અને 31 મે સુધીમાં કોંગ્રેસ હાઇકમાન્ડને મોકલશે. પાર્ટીના નેતાઓને 2027 માં ભાજપને હરાવવાનું લક્ષ્ય આપવામાં આવ્યું છે.

Android મોબાઇલ માટેઃ https://play.google.com/store/apps/details?id=com.gujaratpost.app

iOS મોબાઇલ માટેઃ https://apps.apple.com/in/app/gujarat-post/id6475000526+++

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Advertisement

Watch

Quick Link

Copyright © 2026 Gujarat Post News.