Sun,07 March 2021,11:24 am
Print
header

સુરતમાં બની શરમજનક ઘટના ! બ્રિજ પરથી મૃત હાલત બે મહિનાનું બાળક મળ્યું

સુરત: શહેરના અમરોલી બ્રિજ પર માતાએ પોતાના બે મહિનાના બાળકને ત્યજી દીધું હતું અને બ્રિજ ઉપર તરછોડીને ફરાર થઇ ગઈ હતી. જો કે ત્યાંથી પસાર થતા ડિલિવરી બોયનું ધ્યાન જતા તેણે તાત્કાલિક નજીકના પોલીસ મથક સાથે 108ને જાણ કરી હતી. પરંતુ તપાસ કરતા બાળકનું મોત નીપજ્યું હોવાનું સામે આવ્યું હતુ, જેથી પોલીસે અજાણી વ્યક્તિ સામે ગુનો નોંધીને તપાસ શરૂ કરી છે.

સુરતના અમરોલી બ્રિજ પરથી આશરે બે મહિનાના બાળકની લાશ મળી આવતા આસપાસના લોકોનું ટોળું એકત્ર થઇ ગયું હતું. રાહદારીઓએ બનાવની જાણ પોલીસને કરી હતી પોલીસનો કાફલો ઘટના સ્થળે દોડી આવ્યો હતો. પોલીસે બાળકની લાશને પીએમ અર્થે ખસેડી છે અને આ મામલે તપાસ શરૂ કરી છે. બાળકના મોઢા પરથી ઈજાના નિશાન મળી આવ્યાં છે જેને લઈને ચકચાર મચી જવા પામી છે. હાલ પોલીસે આ મામલે આસપાસ રહેલા લોકોની પૂછપરછ હાથ ધરી છે બાળકના માતા પિતા કોણ છે અને તેને અહી કોણ મુકી ગયું હતુ તથા તેનું મોત ક્યાં કારણોસર થયું છે તે દિશામાં પોલીસે તપાસનો ધમધમાટ શરુ કર્યો છે. 

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર

https://www.gujaratpost.in/news/listing/Gu

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch

-->