વાલીઓ સાવધાન, સુરતમાં દોઢ વર્ષના બાળકની શ્વાસનળીમાં ચીકુનું બીજ ફસાતા મોત- Gujarat Post

Published By
gujaratpost.in
2023-05-18 14:00:48

(મૃતક બાળક અને માતાની તસવીર)

માતા દોઢ વર્ષના પુત્રને ચીકુ ખવડાવતી હતી

બાળક બેભાન થઈ જતાં લઈ જવાયો હતો હોસ્પિટલ

સુરતઃ વાલીઓ માટે ચેતી જવાની ઘટના સામે આવી છે. શહેરના ઉધના કૈલાસ નગરમાં એક બાળકને શ્વાસનળીમાં ચીકુનું બીજ ફસાઈ જતાં દોઢ વર્ષના આ બાળકનું મોત થયું હતું. ઉધનામાં માતા પુત્રને ચીકુ ખવડાવતી હતી ત્યારે ઘટના બની હતી. બાળક બેભાન થઇ જતા સિવિલ લવાયો હતો, જ્યાં તબીબે તેને મૃત જાહેર કર્યો હતો. પુત્રના મોતથી માતાએ હૈયાફાટ રૂદન કર્યુ હતું.

બીજો એક કિસ્સો પણ આવો બન્યો

તાજેતરમાં રાજકોટમાં પણ માતા-પિતા માટે ચેતવણીરૂપ કિસ્સો સામે આવ્યો હતો. દોઢ વર્ષનું બાળક એક મહિનાથી બીમાર હતું. જેથી તેને તપાસ માટે લઈ જવામાં આવ્યો હતો. નિદાન કરતા શ્વાસનળીમાં સીંગદાણો ફસાયો હોવાનું ખુલ્યું હતું. ડોક્ટરે દૂરબીનથી ઓપરેશન કરી સીંગદાણો બહાર કાઢી બાળકનો જીવ બચાવ્યો હતા.