Wed,20 January 2021,5:50 pm
Print
header

રાજકોટને ઉત્તરાયણ પહેલા વધુ એક ભેટ, માધાપર ચોકડી નજીક નિર્માણ પામશે અદ્યતન બસ સ્ટેશન

રાજકોટ: ઉત્તરાયણના પર્વ સમયે પોતાના વતનને મુખ્યમંત્રી વિજય રૂપાણીએ મોટી ભેટ આપી છે. રાજકોટના લોકોને ટૂંક સમયમાં જ એક અત્યાધુનિક બસ સ્ટેશન મળવા જઈ રહ્યું છે. આ અંગે સત્તાવાર જાહેરાત મુખ્યમંત્રી વિજય રૂપાણીએ કરી છે. રૂપાણી સરકારના નિર્ણય અનુસાર રાજકોટમાં માધાપર ચોકડી પાસે નવું બસ સ્ટેશન નિર્માણ પામશે.આ બસ સ્ટેશન બનાવવા માટે માધાપર ચોકડી નજીક જમીન ફાળવવા આદેશ પણ કરવામાં આવ્યાં છે. 

રાજકોટ શહેરના 150 ફૂટ રીંગ રોડ પર સુપ્રસિદ્ધ માધાપર ચોકડી ખાતે 6,800 ચોરસ મીટર વિસ્તારમાં અત્યાધુનિક બસ સ્ટેશન બનાવવા માટે જમીન ફાળવવા રાજ્ય સરકાર દ્વારા મંત્રીમંડળની બેઠકમાં નિર્ણય લેવાયો છે. જામનગર રોડ પર આ બસ સ્ટેશન બનતા ટ્રાફિકની સમસ્યા પણ હળવી થઈ જશે. નિર્ણયથી રાજકોટના લોકોમાં આનંદની લાગણી વ્યાપી છે. રાજકોટમાં સરકાર દ્વારા કરેલા અનેકવિધ વિકાસ કાર્યોને લીધે છેલ્લા કેટલાક સમયથી શહેર સતત સમૃદ્ધિ અને વિકાસની હરણફાળ ભરી રહ્યું છે ત્યારે આ નિર્ણયથી સોનામાં સુગંધ ભળ્યાં જેવો ઘાટ ઘટાડો છે.

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર

https://www.gujaratpost.in/news/listing/Gu

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

-->