Wed,10 August 2022,8:26 am
Print
header

આવી રીતે લવાયું હતું બોટાદ લઠ્ઠાકાંડનું કેમિકલ, જાણો SP એ શું કહ્યું – Gujarat Post

ઝેરી દારૂ પીવાથી 23 લોકોનાં મોત

કલેકટરએ પણ સમીક્ષા બેઠક કરી

દારૂમાં વપરાયેલું કેમિકલ ચોરીનું હોવાનો થયો ખુલાસો

બોટાદઃ લઠ્ઠાકાંડમાં હજુ મૃત્યુઆંક વધે તેવી શક્યતાઓ છે.અત્યાર સુધીમાં 23 લોકોનાં મોત થઇ ગયા છે, જેમાં બરવાળા CHC સેન્ટર અને  ભાવનગરમાં સારવાર લઇ રહેલા લોકોના મોત થયા છે.બરવાળા CHC સેન્ટરમાં 29 લોકોને સારવાર અર્થે ખસેડાયા હતા. બાદમાં તેમને અન્ય જગ્યાએ લઇ જવાયા છે.

બોટાદમાં લઠ્ઠાકાંડ બાદ વહીવટી તંત્ર દોડતું થઇ ગયું છે. આ મામલે મોડી રાત્રે બોટાદ કલેક્ટર બરવાળા પહોંચ્યાં હતા. તેઓએ બરવાળા સામૂહિક આરોગ્ય કેન્દ્રની મુલાકાત લીધી હતી. ઝેરી દારૂથી અસરગ્રસ્ત દર્દીઓની સારવાર અંગે પણ માહિતી મેળવી હતી. મોડી રાત સુધી અસરગ્રસ્તોને હોસ્પિટલમાં લાવવાનું ચાલુ હતું. કલેક્ટર બીજલ શાહે સરકારી હોસ્પિટલમાં સમીક્ષા બેઠક કરીને અધિકારીઓ સાથે સ્થિતિ અંગે ચર્ચા કરી હતી.

લઠ્ઠાકાંડ મામલે બોટાદ SP કરણરાજસિંહ વાઘેલાએ જણાવ્યું કે, આ લઠ્ઠાકાંડમાં વપરાયેલું કેમિકલ ચોરીનું હોવાનો ખુલાસો થયો છે. દારુમાં વપરાયેલ કેમિકલ ચોરી કરાયું હતું. લાંભા અટકાયત કરવામાં આવેલો શખ્સ આ કેમિકલ ચોરી કરીને રિક્ષામાં અહીં લાવ્યો હતો. હાલમાં આ મામલે રાણપુર અને બરવાળા ગામે તપાસ ચાલી રહી છે. દેશી દારુને લઇ સ્થાનિક PIને તપાસ માટેના આદેશ અપાયા છે. પરંતુ અહીં તો પોલીસની બેદરકારીને કારણે જ આ સ્થિતી ઉભી થઇ છે તે નક્કિ છે, અનેક પરિવારો આજે બરબાદ થઇ ગયા છે.

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch