Thu,23 September 2021,10:43 am
Print
header

સિવિલ એન્જિનિયર છે ભૂપેન્દ્ર પટેલ, જાણો તેમની રાજકીય સફર વિશે

ભૂપેન્દ્ર પટેલ 48 કલાકમાં સીએમ પદના લેશે શપથ

અમદાવાદઃ ગુજરાતના નવા મુખ્યમંત્રી તરીકે ભૂપેન્દ્ર પટેલના નામ પર મ્હોર મારી દેવામાં આવી છે. તેઓ અમદાવાદની ઘાટલોડિયા વિધાનસભા બેઠકથી ધારાસભ્ય છે, તેઓ ભાજપના એક જમીની સ્તરના કાર્યકર છે, પૂર્વ સીએમ આનંદીબેન પટેલના નજીકના ગણાય છે.

સિવિલ એન્જિનિયર

તેઓનો જન્મ 15 જૂલાઇ 1962ના રોજ અમદાવાદમાં થયો હતો. તેઓએ સિવિલ એન્જિનિયરિંગમાં ડિપ્લોમા કર્યું છે અને કન્ટ્રકશનના વ્યવસાય સાથે સંકળાયેલા છે.

મોટી લીડથી થઇ હતી જીત 

કોંગ્રેસના શશીકાંત પટેલ સામે લડીને 2017 ની ગુજરાત વિધાનસભાની ચૂંટણી જીત્યા અને ઘાટલોડિયા મતવિસ્તારના ધારાસભ્ય બન્યા. તેમણે 1,17,000 મતોના રેકોર્ડ માર્જિનથી જીત મેળવી હતી.પ્રથમ વખત ધારાસભ્ય બન્યા અને મુખ્યમંત્રી બની રહ્યાં છે. 

આનંદીબેનના ખાસ હોવાને કારણે થઈ હતી અવગણના

સરદાર ધામ, વિશ્વ ઉમિયા ફાઉન્ડેશન અને ઔડા સાથે સંકળાયેલા 59 વર્ષીય ભૂપેન્દ્ર પટેલને એક સમયે રૂપાણી સરકારમાં એટલી હદે નજર અંદાજ કરવામાં આવ્યાં હતા કે તેમનો કેબિનેટમાં પણ સમાવેશ કરવામાં આવ્યો ન હતો. ચાર વર્ષ પહેલા રચાયેલી રૂપાણી સરકારના મંત્રીમંડળમાં આનંદીબેનના નજીક ગણાતા ભૂપેન્દ્ર પટેલની બાદબાકી કરવામાં આવી હતી. આ સમયે કાર્યકરોમાં આશ્ચર્ય ફેલાયું હતુ કે રાજ્યની તમામ 182 વિધાનસભા બેઠકોના પરિણામમાં સૌથી વધુ 1.17 લાખની લીડ સાથે ભૂપેન્દ્ર પટેલ ચૂંટાયા હતા. તેમ છંતા તેમને મંત્રીમંડળમાં સ્થાન ન મળ્યું. જો કે હવે ગુજરાતની કમાન તેમના હાથમાં છે.

અનેક પદો પર નિભાવી ચુક્યાં છે જવાબદારી 

ભૂપેન્દ્ર પટેલ ઔડામાં ચેરમેન રહી ચુક્યાં છે, પાર્ટીમાં પણ અનેક પદો પર કામ કરી ચુક્યાં છે. તેઓ વિશ્વ ઉમિયા ફાઉન્ડેશન અને સરદાર ધામમાં પણ સામાજિક કાર્યો કરી રહ્યાં છે. 

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પરો

https://www.gujaratpost.in/news/listing/Gu

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch