ગાંધીનગરઃ બગદાણા ધામના સેવક નવનીત બાલધિયા પર થયેલા હુમલાના કેસને લઇને રાજકારણમાં ગરમાવો આવ્યો છે. કોળી સમાજના દિગ્ગજ નેતાઓએ ગાંધીનગરમાં મુખ્યમંત્રી ભૂપેન્દ્ર પટેલ સાથે મુલાકાત કરી ન્યાયિક તપાસની માંગ કરી હતી, જેના પગલે સરકારે તાત્કાલિક SIT (સ્પેશિયલ ઈન્વેસ્ટિગેશન ટીમ) ની રચના કરી છે.
કોળી સમાજના આગેવાનો મંત્રી પરસોત્તમ સોલંકીના નિવાસસ્થાને ભેગા થયા હતા. ત્યારબાદ મુખ્યમંત્રી સાથે બેઠક કરી હતી. જેમાં સાંસદો: રાજેશ ચુડાસમા (જૂનાગઢ), નિમુબેન બાંભણિયા (ભાવનગર), ચંદુ શિહોરા (સુરેન્દ્રનગર) હાજર રહ્યાં હતા. ઉપરાંત કેબિનેટ મંત્રી કુંવરજી બાવળીયા, પરસોત્તમ સોલંકી, હીરા સોલંકી સહિત કુલ 15 ધારાસભ્યો ઉપસ્થિત રહ્યાં હતા.
ધારાસભ્ય હીરા સોલંકીએ સ્પષ્ટ કર્યું હતું કે, અમારી લડાઈ કોઈ સમાજ સામે નથી, પરંતુ યુવક પર થયેલા અન્યાય સામે છે. મુખ્યમંત્રી સાથેની મુલાકાત બાદ ભાવનગર રેન્જ આઈજી દ્વારા ત્વરિત તપાસ ટીમની જાહેરાત કરવામાં આવી છે. આ SITના અધ્યક્ષ જયવીર ગઢવી (મદદનીશ પોલીસ અધીક્ષક, ધારી) રહેશે. પોલીસ ઈન્સપેક્ટર એમ.જી. જાડેજા, પી.જે. વાળા અને અન્ય પોલીસ કર્મીઓ મદદ કરશે.
ગત 29 ડિસેમ્બર, 2025ના રોજ નવનીત બાલધિયા પર 8 શખ્સોએ હુમલો કર્યો હતો. નવનીતનો આક્ષેપ છે કે આ હુમલા પાછળ લોકસાહિત્યકાર માયાભાઈ આહીરના પુત્ર જયરાજ આહીરનું ષડયંત્ર છે. પીડિતે પોલીસની કામગીરી સામે અસંતોષ વ્યક્ત કર્યો હતો, જે બાદ હવે આ ઉચ્ચ સ્તરીય તપાસ સોંપવામાં આવી છે.
અરવલ્લીઃ બાયડના ચોઇલા ગામે પતંગની દોરીથી ગળું કપાતા 17 વર્ષીય તરુણનું મોત | 2026-01-14 14:21:20
દિલ્હીમાં ભાજપના દિગ્ગજ નેતા રવિશંકર પ્રસાદના નિવાસસ્થાને આગ, જુઓ વીડિયો | 2026-01-14 09:51:41
ગુજરાતમાં IAS કેડરમાં બે અધિકારીઓની બઢતી અને નિમણૂંક - Gujarat Post | 2026-01-14 09:44:46
ઈરાનમાં વિરોધ પ્રદર્શન લોહીયાળ બન્યું: બે સપ્તાહમાં 2000 લોકોનાં મોત, સરકારે પ્રથમવાર આંકડો સ્વીકાર્યો | 2026-01-13 18:19:56
સુરતમાં મહિલા સાથેના સંબંધોમાં બિલ્ડરની થયેલી હત્યાનો ભેદ ઉકેલાયો, વકીલ સહિત 3 લોકોની ધરપકડ | 2026-01-13 18:01:18
ડ્રગ્સ માફિયાઓ સામે ઓપરેશન, ગુજરાત પોલીસે જાહેર કર્યો ખાસ વોટ્સએપ નંબર- Gujarat Post | 2026-01-13 17:52:03
ગ્રીન હાઇડ્રોજન અને સેમિકન્ડક્ટર પર સાથે મળીને કામ કરીશું, પીએમ મોદી અને જર્મન ચાન્સેલરનું સંયુક્ત નિવેદન | 2026-01-12 13:34:15
ગિફ્ટ સિટીમાં મોટી દુર્ઘટના: 6 વર્ષનું બાળક બોરવેલમાં ખાબક્યું - Gujarat Post | 2026-01-06 18:11:02
Copyright © 2025 Gujarat Post News.
Whatsapp
