અમદાવાદ: કોંગ્રેસના ધારાસભ્ય જીગ્નેશ મેવાણી દ્વારા વડાપ્રધાન નરેન્દ્ર મોદી અને તેમના માતા અંગે કરાયેલા કથિત વાણી વિલાસને લઈને વિવાદ સર્જાયો છે. ભાજપના અનુસૂચિત જાતિ મોરચાના પ્રમુખ ગૌતમ ગેડિયાએ પ્રેસ કોન્ફરન્સ કરીને મેવાણીના નિવેદનને સંસ્કારહીન ગણાવ્યું છે અને બિનશરતી માફીની માંગણી કરી છે.
ભાજપ એસસી મોરચાના પ્રમુખ ગૌતમ ગેડિયાએ કોંગ્રેસ અને આમ આદમી પાર્ટી પર વાણી વિલાસનો આરોપ લગાવ્યો. તેમણે ખાસ કરીને જીગ્નેશ મેવાણીના નિવેદનને વખોડતા કહ્યું, મેવાણી દ્વારા પ્રધાનમંત્રી માટે જે વાણી વિલાસ કરાયો છે, તે ગુજરાતના સંસ્કારની ભાષા ન હોઈ શકે. આ નિવેદન વેરઝેરના શબ્દોથી નફરતની રાજનીતિ શરૂ કરે છે. મેવાણીનું નિવેદન એ બક્ષીપંચ સમાજનું અપમાન છે અને સમગ્ર ઉત્તર ગુજરાતનું અપમાન છે, કારણ કે તેમણે પ્રધાનમંત્રીના માતા માટે નિમ્ન કક્ષાની ભાષા વાપરી છે.
ગૌતમ ગેડિયાએ માંગણી કરી છે કે મેવાણીએ તાત્કાલિક માફી માંગવી જોઈએ. તેમણે ચીમકી ઉચ્ચારી હતી કે, જ્યાં સુધી જિગ્નેશ મેવાણી માફી નહીં માગે, ત્યાં સુધી અનુસૂચિત જાતિ મોરચો વિવિધ કાર્યક્રમો આપશે. તેમણે મેવાણી પર તાયફાની રાજનીતિ કરવાનો આરોપ લગાવતા કહ્યું કે, દારૂ જેવા મુદ્દા વિધાનસભા જેવા યોગ્ય ફોરમ પર ઉઠાવવા જોઈએ.
ભાજપ એસસી મોરચા દ્વારા મેવાણી પાસે માફી માંગવાની માંગણી બાદ કોંગ્રેસે તેના પર વળતો પ્રહાર કર્યો હતો. કોંગ્રેસે ભાજપ એસસી મોરચાની જાહેરાત અંગે પ્રતિક્રિયા આપી હતી. હિરેન બેંકરે કહ્યું કે કોરાણે મુકાયેલો ભાજપ SC મોરચો આજે જાગ્યો એ સારી બાબત છે. દલિત પર અત્યાચાર થયા ત્યારે આ મોરચો કેમ ચૂપ હતો ? તેમણે પ્રશ્ન કર્યો કે નિષ્ફળ અને નિષ્ક્રિય મોરચાને હવે બ્રહ્મજ્ઞાન કેમ આવ્યું, જ્યારે ભાજપ સાંસદ મનસુખ વસાવા દલિત અને આદિવાસી સમાજના નેતાઓને અપમાનિત કરે છે, ત્યારે મોરચો કેમ ચૂપ રહે છે ?
નોંધનિય છે કે જીગ્નેશ મેવાણીએ વડનગરમાં જઇને કહ્યું હતું કે અહીંથી મોદી જેવા લોકો પેદા થયા છે અને તેમને જનતા માટે કંઇ પણ કર્યું નથી, હવે આ મામલે ભાજપ આકરા પાણીએ છે.
LIVE: કોંગ્રેસ સહિત વિવિઘ પક્ષના નેતાઓ અને ઘારાસભ્યશ્રીઓએ કરેલા વાણીવિલાસ સંદર્ભે પત્રકાર પરિષદ. #PressConference https://t.co/c5ePFTBwWj
— BJP Gujarat (@BJP4Gujarat) December 2, 2025
યુરોપના નામે લીબિયા લઇ ગયા: મહેસાણાનો પરિવાર બંધક, એજન્ટોએ માંગી રૂ. 2 કરોડની ખંડણી | 2025-12-12 19:05:17
અમદાવાદમાં લાગી આગ, સાયન્સ સિટીમાં 50 લોકોને બચાવી લેવાયા | 2025-12-12 18:46:49
મનરેગાનું નામ બદલીને પૂજ્ય બાપુ ગ્રામીણ રોજગાર ગેરંટી યોજના થશે, કેબિનેટમાં મંજૂરી | 2025-12-12 18:41:25
વીડિયો દ્વારા વિશ્વાસ જીત્યો.. શેરબજારમાં મોટી કમાણી કહીને વૃદ્ધ પાસેથી 2.52 કરોડ રૂપિયા પડાવી લીધા | 2025-12-12 17:59:47
કફ સિરપ કેસમાં ED એ અમદાવાદ સહિત દેશભરમાં 25 સ્થળોએ દરોડા પાડ્યાં, રૂ.1000 કરોડથી વધુનું ગોરખધંધો | 2025-12-12 10:52:52
જામનગરઃ પત્નીના લિવ-ઇન પાર્ટનરને બજારમાં જોતા જ ઉશ્કેરાયેલા પૂર્વ પતિએ તેની હત્યા કરી નાખી | 2025-12-12 10:19:18
ગુજરાત પોલીસમાં મેગા ભરતીની થઈ સત્તાવાર જાહેરાત, 13 હજારથી વધુ ખાલી જગ્યાઓ ભરાશે | 2025-11-30 13:37:39
રાજ્ય સરકારે મહેસૂલ વિભાગના 39 મામલતદારોની બદલી કરી | 2025-11-21 08:50:30
કમોસમી વરસાદથી અસરગ્રસ્ત ખેડૂતો માટે મહત્વની જાહેરાત, સહાય માટે આ તારીખથી કરી શકશે ઓનલાઇન અરજી | 2025-11-13 16:00:39
અત્યાર સુધી સરકાર ઊંઘમાં હતી ! અગાઉના આરોગ્યમંત્રી ઋષિકેશ પટેલના રાજમાં થયેલી ગેરરીતીઓ ઉજાગર કરવાની જવાબદારી હવે પાનશેરિયાને મળી ! | 2025-11-13 10:30:44
Copyright © 2025 Gujarat Post News.
Whatsapp
