Mon,25 October 2021,6:18 am
Print
header

ભાજપ સાંસદ મનોજ તિવારી ગંભીર રીતે ઈજાગ્રસ્ત, CM કેજરીવાલના નિવાસસ્થાને કરી રહ્યાં હતા વિરોધ

નવી દિલ્હીઃ છઠ્ઠ પૂજાને લઈને મુખ્યમંત્રી કેજરીવાલના ઘરની બહાર ભાજપ સાંસદ મનોજ તિવારીએ ધરણા આપ્યાં હતા ત્યારે જ તેમને ગંભીર રીતે ઈજા પહોચી છે. જેને કારણે તેમને દિલ્હીની સફદરગંજના હોસ્પિટલમાં ખસેડવામાં આવ્યાં છે. હાલ હોસ્પિટલમાં મનોજ તિવારી સારવાર હેઠળ છે તેમની સારવાર ચાલી રહી છે. તેમને કાનમાં ઈજા પહોચી હોવાનું સામે આવ્યું છે. આપને જણાવી દઈએ કે આ વર્ષે પણ દિલ્હીમાં નદી કિનારે સાર્વજનિક સ્થળો પર છઠ્ઠ મનાવા પર પ્રતિંબધ મુકવામાં આવ્યો છે.જેનો લોકો ભારે વિરોધ કરતા નજરે પડી રહ્યાં છે.

ભાજપ સાસંદ મનોજ તિવારી પણ ભાજપ નેતાઓ સાથે મળીને વિરોધ કરી રહ્યાં છે. જેમાં તેઓ કેજરીવાલના નિવાસ સ્થાને ધરણા આપી રહ્યાં હતા. દિલ્હી પોલીસે મુખ્યમંત્રી આવાસ આસપાસ બેરિકેડ મુકી દીધા હતા. જેથી પ્રદર્શનકાર્તા સીએમ આવાસ સુધી ન પહોચી શકે. પોલીસનું કહેવું છે જ્યારે પ્રદર્શનકર્તાઓને પોલીસ રોકી રહી હતી. તે સમયે મનોજ તિવારી બેરિકેડ પર ચઢી ગયા હતા. જેથી બેરિકેડ સાથે તેઓ નીચે જમીન પર પટકાયા, જેને કારણે તેઓ ગંભીર રીતે ઘાયલ થયા હતા. મહત્વનું છે દિલ્હીમાં ઘણા લોકો તહેવારો પર પ્રતિબંધને લઈને સરકારનો વિરોધ કરી રહ્યાં છે ત્યારે ભાજપના નેતાઓ દ્વારા પણ કેજરીવાલ સરકાર પર દબાણ કરવામાં આવી રહ્યું છે.

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પરો

https://www.gujaratpost.in/news/listing/Gu

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch