Sat,14 March 2026,2:37 am
Print
header

અમેરિકાના કેલિફોર્નિયામાં હિમપ્રપાતથી ભારે તબાહી, 8 લોકો માર્યા ગયા, એક હજુ પણ ગુમ

  • Published By panna patel
  • 2026-02-19 08:31:17
  • /

અમેરિકાઃ કેલિફોર્નિયા રાજ્યમાં બરફના તોફાને ભારે તબાહી મચાવી દીધી છે. તાહો પ્રદેશના કાસલ પીક ખાતે વિનાશક હિમપ્રપાત બાદ ગુમ થયેલા 9 સ્કીઅર્સમાંથી 8 લોકોના મોતની પુષ્ટિ થઈ છે. બચાવ ટીમોએ 8 લોકોના મૃતદેહો બહાર કાઢ્યા છે, જ્યારે એક વ્યક્તિ હજુ પણ ગુમ છે અને તેના બચવાની શક્યતા ખૂબ જ ઓછી છે.

પોલીસ જણાવ્યું કે છેલ્લા ગુમ થયેલા સ્કીઅર્સ (બરફ પર સ્કીઇંગ કરનારા સાહસિક લોકો) ની શોધ ચાલુ છે, પરંતુ સંજોગોને જોતાં તેમના મોતની આશંકા છે. અધિકારીઓના જણાવ્યાં અનુસાર, મૃતકોમાં એક શોધ અને બચાવ ટીમના સભ્યનો જીવનસાથી હતો, જેના કારણે બચાવ કામગીરી ભાવનાત્મક રીતે ખૂબ જ મુશ્કેલ બની ગઈ હતી.

મંગળવારે સ્થાનિક સમય મુજબ સવારે 11.30 વાગ્યે કાસલ પીક વિસ્તારમાં ફૂટબોલ મેદાન જેટલું મોટું હિમપ્રપાત થયું. અકસ્માત બાદ પંદર સ્કીઅર્સ ગુમ થયા હતા. જેમાંથી છને સુરક્ષિત રીતે બચાવી લેવામાં આવ્યા હતા, જ્યારે બાકીના ફસાયેલા હતા.

અહેવાલો અનુસાર, આ વિસ્તારમાં ભારે હિમવર્ષા અને ખરાબ હવામાન બચાવ અને રાહત કામગીરીમાં અવરોધ ઉભો કરી રહ્યું છે. સ્થાનિકો અને પ્રવાસીઓને ઊંચાઈવાળા વિસ્તારો અને હિમપ્રપાતની સંભાવના ધરાવતા વિસ્તારોથી દૂર રહેવાની ચેતવણી આપવામાં આવી છે.

Android મોબાઇલ માટેઃ https://play.google.com/store/apps/details?id=com.gujaratpost.app

iOS મોબાઇલ માટેઃ https://apps.apple.com/in/app/gujarat-post/id6475000526+++

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch