Sat,25 June 2022,10:47 pm
Print
header

આંધ્ર પ્રદેશઃ જિલ્લાનું નામ બદલવા મામલે ટોળાંએ મંત્રીનું ઘર સળગાવ્યું- Gujarat post

ટોળાં પર પોલીસે લાઠીચાર્જ કર્યાં બાદ અમલાપુરમ શહેરમાં હિંસા ફાટી નીકળી

નવા જિલ્લાની રચના 4 એપ્રિલે કરવામાં આવી હતી

આંધ્રપ્રદેશઃ નવા રચાયેલા જિલ્લા કોનાસીમાનું નામ બદલાવાના પ્રસ્તાવ બાદ હિંસા ફાટી નિકળી છે. કોનાસીમાનું નામ બીઆર આંબેડકર કોનાસીમા જિલ્લો રાખવાના પ્રસ્તાવના વિરોધમાં જિલ્લા મુખ્યાલયમાં વિરોધ કરી રહેલા લોકો પર પોલીસે લાઠીચાર્જ કર્યાં બાદ અમલાપુરમ શહેરમાં હિંસા ફાટી નીકળી હતી. હિંસામાં પરિવહન મંત્રી પિનીપે વિશ્વરૂપુના ઘરને લોકોએ આગ ચાંપી દીધી હતી.પોલીસે મંત્રી અને તેમના પરિવારને સુરક્ષિત બહાર કાઢી લીધા છે. લાઠીચાર્જ બાદ દેખાવકારોએ પથ્થરમારો કરતાં અનેક પોલીસકર્મીઓ ઘાયલ થયા છે.

શહેરમાં એક પોલીસ વાહન અને શૈક્ષણિક સંસ્થાની બસને સળગાવી દેવામાં આવી હતી. ગૃહપ્રધાન તનેતી વનિતાએ આરોપ લગાવ્યો કે કેટલાક રાજકીય પક્ષો અને અસામાજિક તત્વોએ આગ લગાવી હતી. દુર્ભાગ્યપૂર્ણ છે કે આ ઘટનામાં લગભગ 20 પોલીસ કર્મચારીઓ ઘાયલ થયા છે. અમે આ કેસની તપાસ કરીશું અને દોષિતોને સજા અપાવીશું."

આંધ્ર પ્રદેશમાં ચાર એપ્રિલે પૂર્વી ગોદાવરી જિલ્લાથી અલગ કરી કોનાસીમા જિલ્લાની રચના કરવામાં આવી હતી. પાછલા સપ્તાહે સરકારે કોનાસીલા જિલ્લાનું નામ બદલી બીઆર આંબેડકર કોનાસીમા જિલ્લો કરવાનું પ્રારંભિક નોટિફિકેશન જાહેર કરતા લોકોને વાંધો હોય તો નોંધાવવાનું કહ્યું હતું. પરંતુ હવે અહીં હીંસા ફાટી નીકળી છે. 

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch