Sat,14 March 2026,2:19 am
Print
header

રૂ. 7.97 કરોડના હાઇબ્રિડ ગાંજા સાથે ભાઈ અને બહેનની ધરપકડ, માફિયાઓનું નેટવર્ક અમદાવાદથી બેંગકોક સુધી

  • Published By panna patel
  • 2026-02-13 14:39:59
  • /

અમદાવાદઃ સ્પેશિયલ ઓપરેશન ગ્રુપ (SOG) એ બેંગકોકથી અમદાવાદમાં હાઇબ્રિડ ગાંજાની હેરાફેરી કરતી એક મોટી ગેંગનો પર્દાફાશ કર્યો છે. પોલીસે રૂ. 7.97 કરોડની કિંમતના ગાંજાના જથ્થા સાથે ભાઈ અને બહેનની ધરપકડ કરી છે. તપાસમાં જાણવા મળ્યું છે કે ડ્રગ માફિયાના નિર્દેશ પર યુવતીએ રાજસ્થાનથી યુવાનોનું એક જૂથ તૈયાર કર્યું હતું, જેમને ગાંજો ખરીદવા અને લાવવા માટે બેંગકોક મોકલવામાં આવ્યાં હતા.

સ્પેશિયલ ઓપરેશન ગ્રુપ (SOG) અનુસાર, આરોપી મહિલા જિયા પ્રજાપતિ, નવેમ્બર 2025 માં બેંગકોક ગઈ હતી. ત્યાં તે સુરતના રહેવાસી મિલન વઘાસિયાને મળી હતી અને બંને મિત્રો બન્યા. ગુજરાત પાછા ફર્યા પછી મિલને જીયાનો પરિચય અમદાવાદના રહેવાસી અરમાન જોશી સાથે કરાવ્યો.

પોલીસે રૂ. 7.97 કરોડનો ગાંજાનો જથ્થો જપ્ત કર્યો 

અરમાને જિયાને બેંગકોકથી હાઇબ્રિડ ગાંજો લાવવાની ઓફર કરી, પરંતુ તેને ના પાડી. ત્યાર બાદ અરમાને તેને કમિશનની ઓફર કરી અને ગાંજો લાવી શકે તેવા લોકોને શોધવા કહ્યું. જીયાએ તેના પિતરાઈ ભાઈ ચેતનની મદદથી રાજસ્થાનના ચાર યુવાનોની ભરતી કરી હતી. નાથદ્વારાના રહેવાસી ગોપાલ સોલંકી, ઉમેશ સોલંકી અને બાંસવાડાના રહેવાસી પ્રશાંત કલાલ અને ભુવનેશ બનકરનો સમાવેશ થાય છે. તેમને જાન્યુઆરીમાં બેંગકોક મોકલવામાં આવ્યાં હતા.

લગભગ એક મહિના પહેલા ભુવનેશને મુંબઈ એરપોર્ટ પર મોટી માત્રામાં હાઇબ્રિડ ગાંજા સાથે મુંબઈ પરત ફરતી વખતે ધરપકડ કરવામાં આવી હતી,જિયાએ મિલન અને અરમાન દ્વારા પોતાની મુક્તિ મેળવવાનો પ્રયાસ કર્યો હતો, પરંતુ NDPS કેસને કારણે તેને મુક્ત કરવામાં અસમર્થ રહ્યો હતો.

બેંગકોકથી અમદાવાદમાં ગાંજો લવાયો 

જિયાએ અન્ય યુવાનો પાસેથી ગાંજો લીધો અને કહ્યું કે જો ભુવનેશને છોડાવશે તો જ તે માલ પાછો આપશે. જ્યારે ભુવનેશને છોડવામાં ન આવ્યો, ત્યારે જીયાએ ગાંજો વેચવાનું નક્કી કર્યું અને ગ્રાહક શોધવાનું શરૂ કર્યું. ગ્રાહક મળે તે પહેલાં જ, અમદાવાદ સ્પેશિયલ ઓપરેશન ગ્રુપે (SOG) કાર્યવાહી કરી અને જીયા અને તેના ભાઈની ધરપકડ કરી. પોલીસે જણાવ્યું કે આ કેસમાં છ અન્ય આરોપીઓ ફરાર છે અને તેમની શોધ ચાલી રહી છે.

Android મોબાઇલ માટેઃ https://play.google.com/store/apps/details?id=com.gujaratpost.app

iOS મોબાઇલ માટેઃ https://apps.apple.com/in/app/gujarat-post/id6475000526+++

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch