(file photo)
અમદાવાદ: શહેરના સીટીએમ વિસ્તારમાં આવેલી બ્રાઇટ અંગ્રેજી મીડિયમ સ્કૂલમાં પ્રાથમિક શાળાના એક વિદ્યાર્થી પર શિક્ષક અને પ્રિન્સિપાલે હાથ ઉપાડ્યાની ઘટના સામે આવી છે. ધોરણ 4 માં અભ્યાસ કરતા 9 વર્ષના સગીર વિદ્યાર્થીએ વર્ગખંડની એક સહઅભ્યાસી વિદ્યાર્થિનીને I LOVE YOU લખેલી ચિઠ્ઠી આપવા મુદ્દે શાળા સંચાલકોએ ફૂટપટ્ટીથી ફટકાર્યો હતો. આ મામલે બાળકની માતાએ રામોલ પોલીસ સ્ટેશનમાં શિક્ષક અને પ્રિન્સિપાલ વિરુદ્ધ કાયદેસરની ફરિયાદ નોંધાવી છે.
પોલીસ ફરિયાદ અનુસાર, રામોલ વિસ્તારમાં માતા- પિતા સાથે રહેતો 9 વર્ષીય વિદ્યાર્થી સીટીએમ સ્થિત બ્રાઇટ સ્કૂલમાં ધોરણ 4માં ભણે છે. ગત 19 સપ્ટેમ્બરે તેણે ક્લાસરૂમમાં એક વિદ્યાર્થિનીને કાગળ પર ‘I LOVE YOU’ લખીને ચિઠ્ઠી આપી હતી. આ ચિઠ્ઠી ક્લાસમાંથી મળી આવતાં શાળાના શિક્ષકે વિદ્યાર્થીની કડકાઈથી પૂછપરછ શરૂ કરી હતી.
પૂછપરછ દરમિયાન શિક્ષક અને સ્કૂલના પ્રિન્સિપાલ આવેશમાં આવી ગયા હતા અને તેમણે 9 વર્ષના બાળકને હાથ પર ફૂટપટ્ટીઓ ફટકારી ઠપકો આપ્યો હતો. શાળામાંથી ઘરે પહોંચ્યાં બાદ બાળક ગભરાઈને રૂમમાં પુરાઈ ગયો હતો અને સતત રડી રહ્યો હતો.
માતાએ તેને સાંત્વના આપી પ્રેમથી પૂછપરછ કરતાં તેણે શિક્ષક અને પ્રિન્સિપાલે કરેલા શારીરિક-માનસિક ત્રાસની આપવીતી જણાવી હતી. પ્રાથમિક શાળાના નાના બાળક પર આ પ્રકારે હાથ ઉપાડવા બદલ વાલીએ ઉગ્ર રોષ વ્યક્ત કર્યો હતો અને તાત્કાલિક રામોલ પોલીસ મથકે પહોંચી શિક્ષક સીમા ગોસ્વામી તેમજ પ્રિન્સિપાલ ઇન્દ્રજીત મોર્ય સામે ફરિયાદ નોંધાવી હતી.
બીજી તરફ, આ વિવાદ અંગે શાળાએ સ્પષ્ટતા કરતા જણાવ્યું કે,આ વિદ્યાર્થી અવારનવાર વિદ્યાર્થિનીને હેરાન કરતો હતો અને લવ લેટર આપ્યો હતો. વિદ્યાર્થિની રડતી હોવાથી પૂછપરછ કરાઈ ત્યારે તેણે વર્ગખંડ બદલવાની માંગ કરી હતી. ઘટના બાદ વાલીએ શાળામાં આવીને હોબાળો મચાવ્યો હતો, જો કે બાદમાં બંને પક્ષે સમાધાન થઈ ગયું હતું. તેમ છતાં, બાળકના મામા વચ્ચે પડ્યા હતા અને મામલો પતાવવા માટે રૂ. 25 લાખની માંગણી કરી હતી. શાળાએ આ અયોગ્ય માંગ સ્વીકારવાનો ઇનકાર કરતાં બદઇરાદાથી આ પોલીસ ફરિયાદ દાખલ કરવામાં આવી છે.
ACB ટ્રેપઃ ઉનામાં પથ્થરોથી ભરેલું ટ્રેક્ટર નહીં રોકવા અને હેરાનગતિ નહીં કરવા રૂપિયા 2000 ની લાંચ લેતા વચેટિયો ઝડપાયો, હેડ કોન્સ્ટેબલ ફરાર | 2026-10-16 21:28:59
કનોટ પ્લેસમાં પ્રદર્શન પહેલાં જ અભિજીત દીપકેની અટકાયત, નેહા બોરાને પણ કસ્ટડીમાં લેવાયા | 2026-10-16 18:55:47
આપના ધારાસભ્ય ચૈતર વસાવાને હાઇકોર્ટે એક દિવસના હંગામી જામીન આપ્યાં, નાના ભાઈએ ઝેરી દવા પી લેતા હોસ્પિટલમાં દાખલ કરાયા છે | 2026-10-16 18:25:12
અમરેલીઃ જાફરાબાદમાં 4 સગીરાઓ સાથે યૌન શોષણનો સનસનીખેજ બનાવ, નરાધમ શિક્ષક ઝડપાયો | 2026-10-16 09:49:21
દિલ્હીમાં CJP ની લહેરાદો તિરંગાના એલાનથી કનોટ પ્લેસ છાવણીમાં ફેરવાયું, દિપકેની સાંજે અટકાયત કરાઇ | 2026-10-16 09:40:17
સિલ્વર ઓક યુનિવર્સિટીમાં My Equation રોબોટિક્સ સેન્ટર ઑફ એક્સેલન્સની સ્થાપના | 2026-10-16 18:52:47
નવરાત્રિના અંતિમ દિવસે મેઘરાજા બગાડી શકે છે તમારી મજા, માવઠાની આ છે આગાહી | 2026-10-14 18:11:49
અમદાવાદ એરપોર્ટ પર જપ્ત કરાયેલા સોનાના બિસ્કિટના તાર હવાલા સાથે જોડાયેલા હોવાની શંકા ? | 2026-10-11 10:11:39
આ વર્ષે અમદાવાદની ગરબા ઈકોનોમી રૂ. 3,000 કરોડ ને પાર પહોંચવાનો અંદાજ | 2026-10-11 10:01:59
હાર્દિક પટેલ એન્ડ કંપની ડાઉટ ફૂલ, શંકરસિંહ વાઘેલાએ એક ઇન્ટરવ્યૂંમાં કર્યાં પ્રહાર | 2026-10-08 17:07:14
ગુજરાત હાઇકોર્ટના ચીફ જસ્ટિસ સુનિતા અગ્રવાલની સુપ્રીમ કોર્ટના જજ તરીકે નિયુક્તિ | 2026-10-05 18:15:44
Copyright © 2026 Gujarat Post News.
Whatsapp
