Mon,26 October 2020,1:40 am
Print
header

રાજસ્થાન જનારા લોકો આ વાંચી લે, અમદાવાદ-ઉદેપુર હાઇવે પર ભારેલા અગ્નિ જેવી સ્થિતિ

અમદાવાદઃ શિક્ષણ ભરતીમાં અનામતની માંગને લઈને છેલ્લા 10-12 દિવસથી રાજસ્થાનના નેશનલ હાઈવે 8 પાસે કાંકરી ડુંગર પર વિરોધ પ્રદર્શન ચાલી રહ્યું છે. ત્યારે આ વિરોધ પ્રદર્શને ગુરુવારે આક્રમક અને ઉગ્ર રૂપ ધારણ કર્યું હતું. રાજસ્થાનના આ આંદોલનની અસર ગુજરાતમાં પણ જોવા મળી છે. ઉત્તર ગુજરાતના આદિવાસી વિદ્યાર્થીઓ દ્વારા આંદોલનને સમર્થન અપાયું છે. તેમજ મોડી રાત્રે શામળાજી હાઇવે પર હજારો લોકો વિરોધમાં ઉતરી આવ્યા હતા. અરવલ્લી પોલીસે ટોળાને હિંસા કરતા અટકાવ્યા હતા. શામળાજી – ઉદયપુર નેશનલ હાઈવે હાલ બંધ કરી દેવામાં આવ્યો છે.

ડુંગરપુર પાસે અસંખ્ય વાહનોમાં આગચંપીના બનાવો બન્યાં છે. જેને કારણે શામળાજી પોલીસે ટ્રાફિક ડાર્યવર્ટ કરવામાં આવી રહ્યો છે. ઉદેપુર જતા વાહનો ભિલોડાથી ડાયવર્ટ કરાયા છે, અને ભિલોડાથી અંબાજી, આબુરોડ ડાયવર્ટ કર્યા છે. શામળાજી ઉદયપુર નેશનલ હાઇવે 8 બંધ કરવામાં આવતા અનેક લોકોને મુશ્કેલીઓ પડી રહી છે. ડુંગરપુર પાસે આંદોલનકારીઓએ 4 થી વધુ ગાડીઓ સળગાઇ હતી. હજારોની સંખ્યામાં પ્રદર્શનકારીઓએ પોલીસ પર પથરાવ કર્યો હતો. જેને કારણે ટ્રાફિક જામના દ્દશ્યો જોવા મળી રહ્યા છે.

શિક્ષક ભરતી 2018માં સામાન્ય વર્ગથી ખાલી પડેલી 1167 પદ માટે એસટી વર્ગના વિદ્યાર્થીઓથી ભરવાની માંગે લઈને એસટી વર્ગના વિદ્યાર્થીઓ અને તેમના સમર્થકો છેલ્લાં 18 દિવસોથી ભૂવાલી ગામના કાંકરી ડુંગરી પર વિરોધમાં બેસ્યા છે. ગઈકાલે સાંજે તેઓએ હાઈવે જામ કર્યો હતો. આ મામલે સીએમ અશોક ગેહલોતે પણ તેમના ધારાસભ્યો સાથે ચર્ચા કરી હતી.

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર

https://www.gujaratpost.in/news/listing/Gujarat

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

-->