Fri,18 June 2021,1:37 am
Print
header

અભિનેતા આમિર ખાન કોરાના વાયરસથી સંક્રમિત, ઘરે જ ક્વોરન્ટાઈન થયા

મુંબઈ: મહારાષ્ટ્રમાં કોરોના વિસ્ફોટ થયો છે. દરરોજ મોટી સંખ્યામાં કેસ આવી રહ્યાં છે. છેલ્લા કેટલાક સમયથી ઘણા બોલિવુડ તથા ટીવી સ્ટાર્સને કોરોના થઈ રહ્યો છે. હવે આમિર ખાનનો કોરોના રિપોર્ટ પોઝિટિવ આવ્યો છે.

આમિર ખાનના પ્રવક્તાએ જણાવ્યું કે, “આમિર ખાનનો કોરોના ટેસ્ટ પોઝિટિવ આવ્યો છે. તેઓ હાલમાં પોતોના ઘરે જ હોમ કોરેન્ટાઈન છે તમામ નિયમોનું પાલન કરી રહ્યાં છે તેમની તબિયતમાં સુધારો પણ થઈ રહ્યો છે. જે કોઈ પણ વ્યક્તિ હાલમાં તેમના સંપર્કમાં આવ્યા હોય તો તેને સાવચેતીના ભાગરૂપે પોતાનો કોરોના ટેસ્ટ કરાવી લેવો જોઈએ  તમારા બધાની ચિંતાઓ અને શુભેચ્છાઓ માટે આભાર.”

નોંધનિય છે કે, થોડા સમય પહેલા આમિર ખાનની સાથે કામ કરનાર 7 કર્મચારી પણ કોરોના પોઝિટિવ આવ્યાં હતા જેમાં કેટલાક તેમના સુરક્ષાકર્મી, ડ્રાઈવર અને ઘરમાં કામ કરનાર નોકર સામેલ હતા. આમિર ખાનનાં નિકટનાં સૂત્રોના મતે, એક્ટરે પોતાના સ્ટાફને આરામ કરવાની સલાહ આપી છે. ઉપરાંત ટેસ્ટ તથા જરૂરી પ્રીકોશન લેવાનું પણ કહ્યું છે. આમિર ખાન પૂરી રીતે સાજા થઈ જશે, ત્યાર બાદ જ ફિલ્મ 'લાલ સિંહ ચઢ્ઢા'નું શૂટિંગ ફરી શરૂ કરશે.

હાલમાં જ સોશિયલ મીડિયા છોડ્યું હોવાની વાત કરી હતી

14 માર્ચના રોજ આમિર ખાને 55મો જન્મદિવસ સેલિબ્રેટ કર્યો હતો. જન્મદિવસના એક દિવસ બાદ એટલે કે 15 માર્ચના રોજ આમિરે જાહેરાત કરી હતી કે તે સોશિયલ મીડિયા છોડી રહ્યાં છે. આમિર એક પોસ્ટ શૅર કરીને આ કહ્યું હતું, 'મિત્રો, મારા જન્મદિવસ પર તમારા પ્રેમ અને શુભેચ્છા માટે આભાર. મારું હૃદય ભરાઈ ગયું. અન્ય સમાચાર એ છે કે સોશિયલ મીડિયામાં આ મારી છેલ્લી પોસ્ટ છે. હું અન્યમાં ઘણો જ એક્ટિવ છું. તેથી જ મેં આ છોડવાનો નિર્ણય લીધો છે.

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch

-->