Fri,30 September 2022,2:49 pm
Print
header

વડોદરા સેન્ટ્રલ જેલમાં 7 કેદીઓએ ફિનાઇલ પી લેતા પોલીસ તંત્રમાં દોડધામ- Gujarat Post

જેલ અધિકારીઓના ત્રાસને કારણે કેદીઓએ આ પગલું ભર્યું હોવાની વાત

ઉચ્ચ પોલીસ અધિકારીઓ પહોંચ્યા સ્થળ પર

કેદીઓ સુધી ફિનાઇલ કોણે પહોંચાડ્યું તેેની હાથ ધરાઈ તપાસ

વડોદરાઃ સેન્ટ્રલ જેલમાં એક ચકચાર ભરી ઘટના બની છે. જેલમાં કાચા કામના સાત કેદીઓએ ફિનાઇલ પી લેતાં હાહાકાર મચી ગયો છે.જેલ અધિકારીઓના ત્રાસને કારણે કદીઓએ આ પગલું ભર્યું હોવાનું જાણવા મળ્યું છે. કેદીઓના આ પગલાં બાદ પોલીસ તંત્રમાં દોડધામ મચી ગઈ છે, સ્થળ પર ઉચ્ચ અધિકારીઓ દોડી આવ્યાં હતા.

ફિનાઇલ પીધેલા કેદીઓને ગંભીર હાલતમાં સારવાર માટે એસએસજી હોસ્પિટલ ખાતે ખસેડાયા હતા. જેમાં તમામની હાલત સ્થિર હોવાનું સામે આવ્યું છે. મોટી છેતરપિંડીના ગુનામાં હર્ષિલ લિંબાચીયા અને પાદરાના એક મર્ડર કેસમાં ચર્ચાતું નામ અભી ઝા સહિત 7 કાચા કામના કેદીઓએ ફિનાઈલ પી આપઘાત નો પ્રયાસ કરી લીધો હતો.એસએસજી હોસ્પિટલ ખાતે તમામની સારવાર ચાલી રહી છે.સારવાર દરમિયાન હર્ષિલે જેલ તંત્ર પર ત્રાસ આપવા સહિત હાઈ સિક્યોરિટીમાંથી બહાર કાઢવા રૂપિયાની માંગ કરવામા આવતી હોવાના આરોપ લગાવ્યાં છે.રૂમ બહાર ન નીકળવા દેતા હોવાનું પણ જણાવ્યું હતું.

જેલ સંકુલમાં હાહાકાર મચાવતી આ ઘટના અંગે જેલમાં ફિનાઈલ કેદીઓ સુધી કોણે પહોંચાડ્યું તેની તપાસ હાથ ધરાઇ છે. આ મામલે પોલીસ સૂત્રોના જણાવ્યાં અનુસાર તમામ કેદીઓની તબિયત હાલ સ્થિર હોવાનું જાણવા મળી રહ્યું છે. 

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch