અમદાવાદમાં હિટ એન્ડ રનની ઘટનામાં એકનું મોત, ત્રણ લોકો ઘાયલ- Gujarat Post

Published By
gujaratpost.in
2023-01-09 10:33:46

અમદાવાદઃ રાજ્યમાં છેલ્લા 24 કલાકમાં હિટ એન્ડ રનની ત્રણ ઘટનાઓ બની છે. અમદાવાદમાં આજે સવારે હિટ એન્ડ રનની ઘટના બની હતી. શહેરમાં જીવરાજ પાર્ક હોસ્પિટલ નજીક બનેલી ઘટનામાં ફોર વ્હીલર ચાલકે બાઇક ચાલકને ટક્કર મારી હતી, જેમાં બાઇક ચાલકનું મોત થયું અને ત્રણ લોકો ઇજાગ્રસ્ત થયા. મૃતકનું નામ અરવિંદ ચૌહાણ હોવાનું જાણવા મળ્યું છે. ઇજાગ્રસ્તોને જીવરાજ પાર્ક હોસ્પિટલમાં દાખલ કરાયા છે. જ્યારે વાહન ચાલક ફરાર થઇ ગયો હતો.

પાટણના સિદ્ધપુર હાઇવે પર આવેલી રત્નદીપ સોસાયટી પાસે ગત મોડી રાત્રે ફોર વ્હીલ ગાડીની ટક્કરથી પતિ પત્નીના ઘટના સ્થળે મોત થયા હતા. સ્થાનિક પોલીસે ઘટના સ્થળ પર પહોંચી તપાસ હાથ ધરી હતી. ઘટનાના પગલે રોડ પર ટ્રાફિક જામ થયો હતો.

સુરતના કતારગામ ગજેરા સર્કલ પાસે હિટ એન્ડ રનની ઘટના બની હતી. મોડીરાત્રે પુરપાટ ઝડપે દોડી રહેલી બાઈકે મહિલાને અડફેટે લીધી હતી. મહિલાને ગંભીર ઇજા પહોંચતા 108ની ટીમ દ્વારા હોસ્પિટલમાં ખસેડાઇ હતી.